Prokurorë të SPAK kanë mbërritur paraditen e kësaj të premteje në Kadastrën e Vlorës, për nisjen e hetimeve mbi dosjet korruptive.
Gazetarja e Fax News Afrovita Hysaj raporton se prokurorët e SPAK ndodhen në Kadastrën e Vlorës prej disa orësh, ndërsa derimë tani nuk raportohet për prerjen e ndonjë fletëarresti.
Kjo ”vizitë” e SPAK shoqërohet dhe me lëvizje në radhët e drejtuesve ku është larguar Klodian Troci dhe në vendin e tij është emëruar Reinard Meta.
Meta, i cili është emëruar tashmë në krye të Kadastrës së Vlorës, më herët ka qenë në role drejtuese në Kadastrën e Tiranës.
Kadastra e Vlorës është një prej institucioneve më të paqëndrueshme sa i takon drejtuesve, ku brenda një viti janë ndryshuar 10 drejtor, ndërkohë që pronat në jug duket se janë dhe ”patatja” e nxehtë që kërkon të marrë një zgjidhje afatgjatë.
