Autoritetet spanjolle kanë evakuuar rreth 1.000 persona, në kuadër të masave të marra për të mbrojtur qytetarët nga shpërthimi i një zjarri që ka shkatërruar të paktën 12,000 hektarë tokë që nga e shtuna.
Zjarri në Navalacruz, një zonë rurale rreth 120 km në perëndim të Madridit në rajonin qendror të Castilla y Leon, nisi pas shpërthimit të një makine në një autostradë të shtunën duke detyruar evakuimin e banorëve në tetë fshatra.
Kreu i Agjencisë kombëtare të mjedisit Juan Carlos Suarez-Quinones tha të hënën se kombinimi i erërave të forta, temperaturave të larta dhe lagështisë krijuan kushte perfekte për përhapjen e zjarrit.
Rreth 1.000 zjarrfikës, përfshirë 140 personel ushtarak të urgjencës, janë në gatishmëri për të shuar zjarrin, tha ai.
Sipas autoriteteve dy zjarre janë vënë tashmë në kontroll.
