PORTGUALI – Asambleja e ardhshme e përgjithshme e Sporting Lisbonës , e cila është caktuar për më 8 tetor, pritet të votojë – siç raporton gazeta portugeze A Bola – mbi propozimin e bordit të drejtorëve, për t’i dhënë emrin e Cristiano Ronaldos hyrjes numër 7-të të stadiumit “José Alvalade”.
Një akt në nder të ish-lojtarit të Sportingut, i cili tashmë i ka “dhuruar” emrin Akademisë së klubit.
Ronaldo luajti për pesë vjet në akademinë e Sportingut dhe në sezonin 2002-03 ai luajti në ekipin e parë para se të transferohej te Manchester United dhe karriera e tij të lulëzonte.
Duhet theksuar se stadiumi “José Alvalade” është rinovuar disa herë, ndërsa këtë vit portat e hyrjes në stadium u rritën nga shtatë në 12.
🚨 Sporting have announced that they intend to name the 7th stand in their stadium after Cristiano Ronaldo. 💚 pic.twitter.com/fBLm6qGzXW
— KALYJAY (@gyaigyimii) September 28, 2023
