Ditët e fundit kemi parë gola të shënuar që janë thjeshtë të jashtëzakonshëm nga mënyra si lojtarët kanë arritur ti dërgojnë në fundin e rrjetës.
Një gol spektakolar këtë herë vjen nga Anglia. Luhej ndeshja mes Liverpool dhe Preston, në kuadër të 1/4 të Kupës së Anglisë.
Liverpool arriti të kalonte në fazën tjetër falë fitores 2-0, me gola të shënuar nga Takumi Minamino dhe Divock Origi, ku ky i fundit arriti të mahnisë tifozët me golin e shënuar.
Golat në stilin ‘scorpion’ duket se janë kthyer në modë sepse pak ditë më parë një i tillë u shënua edhe në Holandë nga Cyril Ngonge.
Goditja e topit nga sulmuesi belg me thembër që në gjuhën e futbollit e njohim si stili ‘akrep’ është kandidati kryesor për çmimin ‘Puskas’.
Videoja e golit është shpërndarë në Twitter nga disa faqe të ndryshme, duke marrë dhe shumë ‘like’ nga tifozët që shikojnë gola vërtet mbresëlënës.
