Agjencia Ndërkombëtare e Energjisë Atomike (IAEA) ka bërë thirrje për “përmbajtje maksimale” për të mbrojtur objektet bërthamore në Ukrainë, pas lajmeve që Çernobili tashmë është në duart e forcave ruse. Organizata globale, e cila promovon përdorimin paqësor të energjisë bërthamore, thotë se po e ndjek situatën në Ukrainë me “shqetësim të madh”.
IAEA thotë se është informuar nga homologu i saj ukrainas se ndërsa forcat ruse kanë marrë kontrollin e ish-objektit bërthamor, por që nuk janë raportuar viktima. Drejtori i përgjithshëm Mariano Grossi thotë se është me “rëndësi jetike” që operacionet e objekteve bërthamore në zonën e Çernobilit “të mos preken”.
Çernobili, i vendosur në veri të Kievit pranë kufirit me Bjellorusinë, ishte vendi i shpërthimit bërthamor më shkatërrues në histori në vitin 1986, kur një nga katër reaktorët e tij shpërtheu. Reaktori i dëmtuar tani është ‘varrosur’ nga një “strukturë mbyllëse” prej çeliku dhe një sipërfaqe prej më shumë se 4,000 kilometra katrorë rreth objektit është braktisur. Por, sot, forcat ruse e ‘rizgjuan’ atë.
