Ministria e Jashtme e Ukrainës ka dënuar ashpër bombardimin e termocentralit bërthamor të Zaporizhzhya dhe i bëri thirrje komunitetit ndërkombëtar që të detyrojë Rusinë të tërheqë forcat e saj nga termocentrali.
The Guardian shkruan se në një deklaratë të postuar në Facebook, ministria tha se NPP Zaporizhzhya dhe NPP i Çernobilit janë aktualisht nën kontrollin e forcave të armatosura ruse. Si pasojë e granatimeve në territorin e termocentralit bërthamor (Zaporizhzhya), shpërtheu një zjarr, duke vrarë dhe plagosur disa persona. Tashmë zjarri është shuar.
Mijëra njerëz përfshirë civilët që aktualisht nuk janë në gjendje të evakuojnë zonën pranë uzinës për shkak të granatimeve dhe luftimeve të vazhdueshme do të lëndoheshin nga kjo. Jemi të zhgënjyer nga reagimi i Agjencisë Ndërkombëtare të Energjisë Atomike (IAEA), kërkojmë veprim të qartë dhe vendimtar nga agjencia bërthamore e OKB-së,” thuhet në njoftimin e Ministrisë së Jashtme.
