Një stadium mund të përdoret edhe për koncerte apo spektakle nga artistë të ndryshëm, por deri në atë masë që të mos cënojë aktivitetin kryesor për të cilin ekziston: futbollin.
Prej disa javësh janë zhvilluar aktivitete të ndryshme, ndërkohë që sot janë shfaqur pamje se si mijëra njerëz kanë zbritur në fushë për koncertin e Elvanës.
Dakord, artistja është në të drejtën e vet të organizojë një event të tillë, por ama federata duhet të gjejë mënyrën që të mos penalizohen ekipet e futbollit. Sepse nëse skuadrat tona në Europë do të spostohen që t’i luajnë ndeshjet në Elbasan dhe ndërkohë “Air Albania” mirëpret vetëm koncerte, atëherë diçka nuk po shkon si duhet në planin sportiv.
Problemi është që as klubet vetë nuk e ngrenë zërin, duke iu nënshtruar FSHF-së në çdo vendim. As ministria e sporteve nuk duket se ka ndonjë shqetësim për këtë fenomen.
Marre nga Panorama Sport!
