Udhëheqësi i Republikës çeçene, Ramzan Kadyrov, një nga aleatët e e Vladimir Putinit gjatë luftës në Ukrainë njihet për radikalizmin e tij.
Së fundmi, në një video të publikuar, ai shfaqet teksa pranon një “dhuratë” nga ushtarët e tij. Dhurata në fakt janë dy ushtarë ukrainas të zënë rob.
Në video, 2burrat, të identifikuar nga analistët si të burgosur ukrainas, i kanë duart e lidhura pas shpine dhe kanë kapuçët e tërhequr mbi kokat e tyre ndërsa marshojnë nën kërcënimin e armëve drejt Kadyrov, i cili del para dhe i pret i buzëqeshur.
Të lidhur e të përulur/ Djali i jep dhuratë liderit
Më tej në video, ndërsa burrat qëndrojnë në këmbë, gati dyfish të përkulur me ushtarë rusë që i mbajnë nën kërcënimin e armëve, djali 16-vjeçar i Kadyrov, Ahmad, ia paraqet babait të tij si skllevër.
Kadyrov u mburr në Telegram se djemtë e tij Ahmad, 16, Eli, 15 dhe Adam, 14 vjeç, “vizituan vijën e frontit, ku aktualisht po zhvillohen beteja të ashpra me nacionalistët ukrainas”.
Ai shtoi se tre djemtë “u afruan pranë pozicioneve të armikut dhe siguruan mbulesë zjarri për luftëtarët që përparonin”.
