ADU DABI- Në një nga qytetet e njohura si me ligjet më të rrepta në botë, Abu Dabi në Emiratet e Bashkuara, ka dhe një jetë tjetër e cila tregon anën ndryshe. Hotelet janë të mbushuara me vajza shoqëruese, njihet si një vend ku bëhen pazaret e drogës dhe mbi të gjitha festat e shthurura të jetës së natës.
Ndërsa për pjesën tjetër të botës kryeqyteti i Emirateve të Bashkuara Arabe paraqitet sikur ndalon praktikisht çdo gjë “imorale”, nga sharjet dhe seksi, por del që të jetë e kundërta.
Abu Dhabi është shtëpia e më shumë se 24.000 milionerëve me një pagë mesatare prej 5200 euro në muaj, ky është një nga qytetet më të pasur në botë. Nuk është çudi që çdo vit një vrull me fytyra të famshme nga e gjithë bota shfaqet në ambientet luksoze, veçanërisht kur zhvillohet finalja e Formula 1.
Më pas sponsorët paguajnë superyje të pasur si Chris Hemsëorth, Naomi Campbell, Kanye West, Priyanka Chopra e shumë të tjerë që të vijnë për të vizituar këtë qytet dhe për të shijuar festat luksoze.
Qeveria ka investuar miliarda euro për ta bërë këtë garë një ngjarje të paharrueshme për mysafirët e saj të famshëm, ku mbi 600 milionë euro investohen çdo vit për argëtim në këtë ngjarje. Por hotelet me pesë yje dhe klubet luksoze nuk janë vetëm për të pirë shampanjë të shtrenjtë. Paralelisht me dritat luksoze dhe vezulluese të Abu Dhabit, një jetë krejtësisht ndryshe zhvillohet pas dyerve të mbyllura në bare dhe klube, ekzistencën e të cilave turisti i zakonshëm nuk e di kurrë.
Një menaxher i marrëdhënieve me publikun, i cili jetonte dhe punonte në Abu Dhabi, i tha britanikes “The Sun” se si duket ajo botë e çoroditur, e ndyrë që shumica e njerëzve nuk e dinë. “Me kontaktet e duhura dhe shumë para në Abu Dhabi, asgjë nuk është jashtë kufijve,” thotë ai.
“Ju do të shihni disa nga gratë më të bukura në botë duke festuar në bare të shtrenjta, vetëm ose në grup, por të gjithë e dinë se ato kanë një çmim. Hotelet ultra luksoze por super diskrete janë vendi i përsosur për të takuar një prostitutë klasi nëse kjo është ajo që dëshironi. Faqet e internetit ofrojnë gra të bukura për 150 £ në orë. Është e gjitha e përhapur, por aq diskrete sa nuk bëni kuptoni kur jeni i zakonshëm atje.”, thotë menaxheri.
Emiratet janë të famshme për ligjet e tyre të rrepta, kështu që është e lehtë të përfundoni në burg ose të paguani gjoba të majme nëse kapeni, edhe me një sasi minimale droge. Vitin e kaluar, një grua u dënua edhe me vdekje pasi iu gjet gjysmë kilogrami kokainë në Abu Dhabi. Mirëpo, ligjet dikur të rrepta kundër narkotikëve po zbuten dalëngadalë, ndaj nëse kapeni me një substancë të paligjshme dhe është hera e parë, nuk do të dërgoheni në burg, transmeton “The Sun”.
“Është më e vështirë të marrësh drogë në Abu Dhabi sesa në vendet e tjera, por gjithsesi mund të bëhet nëse i njeh njerëzit e duhur”, thotë burimi i brendshëm, duke shtuar se numrat e telefonit të njerëzve që mund të marrin substanca ilegale ndahen në grupe sekrete.
Në Grand Prix-in e këtij viti, një mysafir i dehur shkaktoi kaos dhe një përleshje masive në pistë, madje vizitorët hodhën shishe qelqi ndaj njëri-tjetrit, shkruhet në artikull.
“Në fundjavë, pothuajse çdo restorant dhe hotel përgatit mëngjese të shtrenjta, ku ju paguani midis 50 dhe 500 £ për orë e orë të tëra ushqimi dhe alkooli të pakufizuar.-thotë burimi i brendshëm.
Një rregull i pashkruar që ndjekin të gjithë
Marrja e drogës dhe takimi me zonjat shoqëruese në publik është absolutisht i paligjshëm, por ligjet strikte të Emirateve për shpifjen në praktikë nënkuptojnë se shumica e punëtorëve kanë frikë të raportojnë ndonjë gjë të gabuar. Një dënim për shpifje mbart deri në dy vjet burg, kështu që nuk është çudi që stafi lokal nuk raporton ndonjë aktivitet të paligjshëm.
“Stafi i barit dhe hotelit nuk do të donte të thoshte asnjë fjalë për një klient dhe ligjet e rrepta të privatësisë dhe shpifjes nënkuptojnë se njerëzit nuk bëjnë thashetheme shumë. Bërja e fotografive të dikujt që sillet keq është absolutisht e ndaluar dhe mund t’ju sjellë në telashe serioze me policia.”, thotë menaxheri me adresë në Abu Dhabi.
Të panjohurat e Abu Dabit/ “Jeta sekrete” e qytetit me ligje te
Se Abu Dhabi po bëhet Dubai i ri e tregojnë më së miri statistikat. Vitin e kaluar e vizituan 18 milionë njerëz, ndërsa 14.6 milionë prej tyre vizituan Dubain. Në të njëjtën kohë, të pasurit dhe të famshmit po zgjedhin gjithnjë e më shumë Abu Dhabin për të shijuar luksin dhe magjepsjen.
“Njerëzit mendojnë për Abu Dhabin si një qytet i qetë dhe konservator i shkretëtirës, e kundërta e motrës së tij hedoniste Dubai. Qyteti punon shumë për të mbrojtur imazhin e tij si një vend luksoz, miqësor për familjen, por nëse gërvishtni nën sipërfaqe ka vetëm alkool dhe shthurje.”-tha një person.
