VLORË- Të shtëna me armë zjarri janë shënuar pasditen e sotme në bulevardin “Ismail Qemali” në Vlorë. Dyshohet se një konflikt mes disa të rinjve ka degraduar deri në përdorimin e armës së zjarrit.
Një nga personat e përfshirë në konflikt, sipas informacioneve paraprake ka nxjerrë armën e zjarrit tip pistoletë dhe ka qëlluar një here, dyshohet në ajër. Fatmirësisht nuk raportohet për të lënduar, ndërsa personat janë larguar nga vendi i ngjarjes.
