Komisioni Zgjedhor i La Ligës këtë të martë ka rikonfirmuar Javier Tebasin si president të La Ligas deri në vitin 2027, pasi nuk është paraqitur asnjë kandidat për të konkuruar Tebasin. Kështu që ai do të fillojë mandatin e tij të katërt radhazi në krye të shoqatës spanjolle të futbollit.
Në një deklaratë të Komisionit Zgjedhor thuhet se:“Pasi shqyrtoi kandidaturën e paraqitur nga Javier Tebas Medrano, pasi u verifikua se ajo është paraqitur në kohën e duhur dhe se është në përputhje me rregullat statutore dhe rregullatore të zbatueshme për këtë qëllim, dhe duke mos pasur më kandidatura, Javier Tebas Medrano shpallet përkohësisht presidenti i La Ligës”.
Ndërkohë u bë e ditur se mbledhja e radhës e Komisionit Zgjedhor do të mbahet më 14 dhjetor për të “zgjidhur ankesat e mundshme ose, sipas rastit, për të bërë përfundimtar shpalljen e presidentit”.
“Pavarësisht se në rast se nuk është bërë ankim kundër marrëveshjeve të Komisionit Zgjedhor, zgjedhja e Tebas mund të shtyhet njëzëri deri në mbledhjen më datën 12 dhjetor, pasi afati për ankimim përfundon në orën 20:00”, thuhet më tej në deklaratë.
Në këtë mënyrë, Tebas do të fillojë mandatin e tij të katërt si president i La Ligës, post që ai e pranoi në vitin 2013. Ai ishte gjithashtu kandidati i vetëm në zgjedhjet e 2016 dhe 2019
