Një sulm ka ndodhur afër Kullës Eiffel , pak para orës 21:00 , mbrëmjen e djeshme . Si pasojë e një sulmi me thikë dhe çekan, në një rrugë në qendër të Parisit , një burrë ka vdekur dhe dy persona të tjerë janë plagosur .
Është arrestuar një shtetas francez, 26-vjeçar , i njohur për autoritetet e sigurisë , dhe prokurorët kanë nisur hetimet .
Zyrtarët e kanë konfirmuar se burri i vrarë ka qenë shtetas gjerman .
I dyshuari është dëgjuar duke bërtitur “ Allahu Akbar (Zoti është më i madhi) ” dhe i ka thënë policisë se është i mërzitur sepse “ shumë myslimanë janë duke vdekur në Afganistan dhe Palestinë ” .
Autori më herët ka qenë katër vjet në burg , pasi është dënuar për një tjetër sulm më 2016 dhe ka qenë në listën e vëzhgimit të shërbimeve të sigurisë .
Sipas ministrit të brendshëm francez , i dyshuari është përballur me çrregullime mendore në të kaluarën , kështu duke u bërë shkak edhe për situatën e mbrëmshme .