Paneli i Gjykatës së Apelit e ka refuzuar sërish kërkesën e mbrojtjes së ish-presidentit Hashim Thaçi për lirim nga paraburgimi në Hagë.
Në vendimin e panelit thuhet se trupi gjykues ka konstatuar se gjyqtari i procedurës paraprake nuk ka gabuar në konstatimin se periudha që Thaçi ka kaluar në paraburgim mbetet e arsyeshme.
Po ashtu, gjykata ka urdhëruar Thaçin dhe Zyrën e Prokurorit të Specializuar që të paraqesin publikisht versionet e tyre të redaktuara brenda 10 ditëve nga bërja publike e këtij vendimi.
