Ish-ministri i Jashtëm serb, Ivica Daçiç është i gatshëm të garojë për postin e Presidentit të ardhshëm.
Mediat serbe shkruajnë se Daçiç është i bindur dhe i gatshëm gjithashtu se mund të bëhet president, pasi e favorizon dhe horoskopi.
Konkretisht ish-ministri është shprehur se fakti që Mërkuri po del nga shenja e tij, Bricjapi, tregon se ka fat.
“Më kanë thënë se Mërkuri po del nga shenja ime, Bricjapi, dhe do të kem fat,”- tha Daçiç.
Kujtojmë se Daçiç drejton Kuvendin e Serbisë, i cili pritet të shpërndahet më 15 shkurt dhe do të shpallen zgjedhjet e parakohshme.
Ndër të tjera ish-ministri Daçiç kryeson Partinë Socialiste Serbe. Daçiç dhe Vuçiç kanë zgjedhur të dalin të veçuar në këto zgjedhje, duke thyer koalicionin 10-vjeçar me synimin e qartë, rritjen e maxhorancës.
