Trazira të shumta janë regjistruar në këto momente në Tiranë. Tifozët problematikë të Feynoord janë zhvendosur nga zona përreth stadiumit “Air Albania” në afërsi të “Vasil Shantos” dhe “21 Dhjetorit”.
Shërbimet e Policisë janë vënë në ndjekje të grupimit të madh të tifozëve dhe ka ndaluar disa prej tyre. Në ndihmë janë dhe forcat zjarrfikëse, më tepër për të qenë në gadishmëri. Edhe oficerët italianë dhe holandezë janë në terren bashkë me kolegët e policisë shqiptare.
Nën efektin e alkoolit, edhe më herët gjatë pasdites së sotme tifozët e Feyenoord u përlshën me një tifoz shqiptar, që e bënë për spital. Tetë të shoqëruar për ngjarjen e parë nga holandezët, teksa i plagosuri është jashtë rrzikut për jetën.
Raportohet se disa efektivë të Policisë janë plagosur, ndërsa ka pasur edhe mjete të dëmtuara. Gurë dhe shkopinj janë hedhur në drejtim të policisë.
