Kombëtarja shqiptare mposhti Moldavinë me rezultatin 2-0 në ndeshjen e vlefshme për kualifikueset e “EURO 2024”. Mesfushori i Kombëtares, Kristjan Asllani pati mbështetje të veçantë nga tifozët.
Një grup tifozësh nga Elbasani kishte stampuar fanellën me emrin e tij dhe ishin në stadium për të ndjekur dhe mbështetur idhullin e tyre.
Ditën e sotme ai ka reaguar përmes një postimi në InstaStory, teksa ka postuar fotot e siguruara nga “Panorama Sport”. Asllani ka falenderuar tifozët për mbështetjen e treguar.
Edhe pse Kristjani nuk e nisi ndeshjen si titullar dhe u fut në lojë në minutën e 67′, ai arriti të bënte një performancë të mirë.
