– Aktori Alec Baldwin ka thënë se ai nuk e tërhoqi këmbëzën në armën që vrau aksidentalisht kineasten Halyna Hutchins në xhirimet e filmit Rust në muajin tetor. Në një promo për intervistën e ABC, e cila do të dalë ditën e nesërme, gazetari George Stephanopoulos shfaqet duke i kërkuar aktorit të konfirmojë se nuk ishte në skenar që këmbëza të tërhiqej.
“Epo, këmbëza nuk u tërhoq. Unë nuk e tërhoqa këmbëzën,” tha Baldwin.
Stephanopoulos konfirmon: Pra nuk e keni tërhequr kurrë këmbëzën? për të cilën Baldwin përgjigjet: Jo, jo, jo, jo. Unë kurrë nuk do t’i drejtoja armën askujt dhe do t’i tërhiqja këmbëzën. Kurrë.
Baldëin qëlloi për vdekje drejtoren e fotografisë, Halyna Hutchins si dhe la të plagosur regjizorin, Joel Souza. Ngjarja ndodhi gjatë xhirimeve të filmit “Rust”, në të cilin Baldëin duhej të përdorte një armë, që supozohej të ishte ‘lodër’ për rolin e tij.
