Një ngjarje tronditëse ka ndodhur në Francë, aty ku është gjetur i pajetë një 10-vjeçar brenda një valixheje. Trupi i fëmijës u gjet dje i hedhur në një kosh plehrash, brenda në valixhe. Zyrtarët gjetën valixhen me fëmijën e vdekur, i cili kishte plagë të shumta me thikë. Pritet autopsia për të përcaktuar shkakun e saktë të vdekjes.
Sipas hetimit, e dyshuara kryesore për vrasjen është nëna e tij e cila rezulton e zhdukur dhe po kërkohet nga policia. Gjurmë gjaku janë gjetur brenda shtëpisë ku jetonin në Ferrier-en-Brie në prefekturën e Saint-Marne. Denoncimin për zhdukjen e 10-vjeçarit dhe nënës së tij e ka bërë i ati.
33-vjeçarja është larguar nga shtëpia pa marrë gjërat me vete dhe mendohet se është në gjendje të rënduar psikologjike.
