Një ngjarje e rëndë është shënuar pak minuta më parë në zonën e Nea Madyto të Selanikut, teksa një grua është futur në ambientet e një pastiçerie dhe ka qëllua me armë zjarri drejt punonjësve që ishin brenda.
Si pasojë e të shtënave, ka mbetur e plagosur një punonjëse, e cila është nisur me urgjencë drejt spitalit rajonal, pasi ndodhet në gjendje të rëndë shëndetësore.
Sipas mediave greke, e plagosura është qëlluar tre herë, ndërsa mësohet se shkak është bërë largimi nga puna e të dyshuarës dhe për të marrë hak, ajo është kthyer e armatosur dhe ka qëlluar ndaj stafit.
Autorja është vënë në pranga nga policia, ndërsa kanë nisur hetimet për zbardhjen e plotë të kësaj ngjarjeje të rëndë.
Marrë nga cnn.gr
