Modelja e njohur Irina Shayk pas një postimi të bërë në Instagram është akuzuar nga ndjekësit se ajo po mbështet Rusinë në luftën ndaj Ukrainës.
Supermodelja ruse Irina Shayk po akuzohet në rrjetet sociale nga komentuesit se ajo po mbështet pushtimin brutal të Ukrainës nga Vladimir Putin në një postim në Instagram që shfaq simbolin “Z” që shihet në tanket dhe automjetet ushtarake ruse.
E gjitha kjo nisi nga një postim që bëri në Instgram ku tregonte një sallatë tradicionale ruse Olivier së bashku me frazën “Të mërkurën Russianzz”.
Postimet në rrjetet e ndryshme sociale kanë vërshuar nga ndjekësit dhe nga një gazetare ukrainase të cilët kanë shkruar: “Irina Shayk, modelja me famë botërore nga Rusia, e cila kohët e fundit ka punuar për Beyonce, Jean Paul Gaultier, Burberry dhe të tjerë postoi një histori të çuditshme të fshehtë në Instagram me fjalën ‘Russianzz’. Unë me të vërtetë shpresoj që këto marka të rishqyrtojnë punën me të kur Rusia përdor Z për të vrarë ukrainasit”, ka shkruar në Twitter gazetarja ukrainase.
Të tjerë komentues e akuzuan modelen se nuk kishte “turp të mbështeste fashistët” me postimin misterioz. Reagimi i fortë erdhi edhe pse modelja postoi më parë “Jo luftës” në shkurt dhe u zotua të dhurojë për zyrtarët e Kryqit të Kuq në Ukrainë.
“Turp për ty”; “Nëse jeni kaq krenarë për vendin tuaj terrorist Rusinë, atëherë largohuni të jetoni atje”; “Atëherë pse jetoni në vendin e armikut të tij? E tmerrshme”; “Unë kurrë nuk do të prek asnjë markë që ju promovoni, as ndonjë nga miqtë e mi nuk do të prek”, shkruhej nëpër komentet e saj.
