GAZA- Sipas shifrave zyrtare nga terreni Turqia renditet e dyta në dërgimin e ndihmave humanitare në Gaza.
“Plot 19% e ndihmës që vinte në Gaza erdhi nga Turqia pavarësisht kufizimeve të vazhdueshme të Izraelit dhe lejeve të kufizuara të hyrjes për ndihmë duke e bërë atë të dytën vetëm pas Emirateve të Bashkuara Arabe, të cilat ofruan 27% të ndihmës,” tha Koordinimi i Aktiviteteve Qeveritare në Territoret (COGAT) të enjten.
Turqia u pasua nga Arabia Saudite me 18% dhe Katari me 8%, sipas të dhënave në faqen e internetit të COGAT, e cila është e lidhur me Ministrinë e Mbrojtjes të Izraelit.
Turqia, Egjipti dhe Emiratet e Bashkuara Arabe kanë koordinuar gjithashtu evakuimin e 3204 pacientëve dhe individëve të lënduar, së bashku me 725 shoqërues, nga Rripi i Gazës për trajtim jashtë vendit.
Ankaraja ka vazhduar të ofrojë ndihmë gjithëpërfshirëse humanitare për Gazën në koordinim me Kajron që nga fillimi i ofensivës aktuale të Izraelit më 7 tetorin e kaluar.
Përveç kësaj, Turqia vazhdon të ofrojë ndihmë për pacientët dhe njerëzit e plagosur që nuk mund të kenë akses në kujdesin shëndetësor në mes të sulmeve të vazhdueshme të Izraelit në Gaza, të cilat kanë vrarë rreth 32,000 njerëz.
