Një ngarje e pazakontë ka ndodhur sot në Fier. Një 47-vjeçar është futur me forcë në shtëpinë e ish-bashkëshortes dhe pasi ka ushtruar dhunë ndaj saj e ka hedhur nga kati i dytë.
Pas kësaj ngjarje të rëndë, policia ka bërë të mundur arrestimin 47-vjeçarit me incialet S.Rr. në Patos.
Gruaja, 38 vjeç, e cila ishte e pajisur me urdhër mbrojtje nga Gjykata, ndodhet në Spitalin Rajonal Fier nën kujdesin e mjekëve.
Njoftimi i plotë i policisë:
Patos, Fier
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin:
Rr., 47 vjeç, banues në Kurian, Roskovec.
Arrestimi i këtij shtetasi u bë pasi gjatë ditës së djeshme, në Patos, ka hyrë në shtëpinë e ish bashkëshortes së tij pa pëlqimin e saj, e ka keqtrajtuar dhe e ka rrëzuar nga kati i dytë i banesës.
Shtetasja E. S, 38 vjeçe, ishte e pajisur me urdhër mbrojtje nga Gjykata.
38-vjeçarja ndodhet në Spitalin Rajonal Fier nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje për shkak të marrëdhënieve familjare” e mbetur në tentativë, “Dhunë në familje”, “Veprime në kundërshtim me vendimin e Gjykatës”, “Dhunimi i banesës” dhe “Shkatërrimi i pronës”.