Një ngjarje e pazakontë ka ndodhur në Larisa të Greqisë, ku një burrë u rrah brutalisht nga hajduti 18-vjeçar.
Mësohet se 49-vjeçari po trajtohet në spital pasi ka marrë lëndime të rënda në kokë, krah dhe brinjë.
Sipas njoftimit të policisë, i riu e rrahu atë me dru pasi hyri në shtëpinë e tij për të vjedhur.
Sipas mediave greke, hajduti, u fut brenda duke thyer dritaren në orën 2 të natës dhe kur pa pronarin mori një thikë fillimisht që ta kërcënonte.
Burri ka tentuar të mbrohet me një shkop, por 18-vjeçari ia ka marrë nga duar dhe ka filluar ta godasë dhjetëra herë.
Zhurma ka zgjuar fqinjët, të cilët kanë thirrur policinë dhe personat e Sigurimit të mbërritur në shtëpi dhe kanë vënë në pranga të riun.
Në posedim të tij iu gjetën dy celularë që kishte arritur t’i rrëmbejë nga shtëpia, ndërsa i ka treguar policisë një vend në oborrin e shtëpisë ku kishte fshehur drogën e vjedhur nga 49-vjeçari, i cili ishte është dërguar në Spitalin Universitar të Larisës ku po trajtohet. Autori dhe viktima janë marrë edhe më herët me autoritetet në raste të ndryshme penale.
