Një 25-vjeçar i larguar nga banesa e tij katër ditë më parë është gjetur i pajetë ditën e sotme në Tiranë.
Policia thotë se 25-vjeçari me inicialet K.H ishte larguar nga banesa në datën 19 janar, ndërsa sot ai është gjetur i pajetë, i vetëvarur në një pemë në zonën e liqenit të Farkës.
Njoftimi i Policisë:
Në vijim të informacionit të dhënë me datë 19.01.2025, për largimin nga banesa të shtetasit K. H., 25 vjeç, ju bëjmë me dije se:
Shtetasi K.H, është gjetur i vetëvarur në një pemë, në zonën e Liqenit të Farkës.
Nga këqyrja paraprake nuk janë konstatuar shenja dhune.
Grupi hetimor po punon për sqarimin e plotë të rrethanave të ngjarjes.
