Dilaver Idrizi, i arrestuari për tentativë vrasjeje pasi hodhi gruan e tij nga kati i tretë ka treguar se çfarë ndodhi mbrëmjen e të shtunës në qelinë që iu vu zjarri në komisariatin nr.5 në Kamëz.
Përpara grupi hetimor, Idrizi që ndodhet ende në spital pasi ka djegie në 20% të trupit është shprehur se është nxjerrë nga dhomat e izolimit nga punonjësi i policisë Hajredin Boja, i cili ishte përgjegjësi i dhomave të izolimit.
“Më ka nxjerrë nga dhomat e izolimit nga punonjësi i policisë Boja, i cili ishte përgjegjësi i dhomave të izolimit,”- ka thënë ai ndër të tjera.
Punonjësi i policisë Hajredin Boja ende nuk ka dhënë deklarime për shkak të gjendjes shëndetësore jo të mirë.
