Vajza është këtu! Marina dhe Getoari janë bërë prindër për herë të parë, sipas burimeve të “VipMagazine”.
Vogëlushja e tyre ka ardhur në jetë ditën e sotme,në Tiranë. Në fund të muajit Gusht, moderatorja e njohur Marina Vjollca konfirmoi shtatzëninë e saj,
“Jam e bekuar, faleminderit Zot për gjithçka”, shkroi Marina përkrah fotove të saj.
Në 17 nëntor, ajo u ka treguar gjithë ndjekësve se është në pritje të një vajze, të cilën e quajti me përkëdheli ‘picirukja’.
“Mezi po te presim picirukja jone”,- shkruan Marina.
Kujtojmë se Marinën e shohim çdo të shtunë duke moderuar ‘Klanifornian’.
Në momentin që u prezantua me publikun ajo u shpreh se pritjes së saj për “Klanifornian-n” i erdhi fundi, por njëkohësisht nuk mund të rrinte pa përmendur dhe pritjen e saj që e quajti “pritjen më të ëmbël në botë”.
“Kështu që këtë sezon nuk ta prezantoj vetëm”– tha Marina duke treguar barkun e rrumbullakosur.
Nuk dihet se çfarë do të ndodhë tani me ‘Klanifornian’ dhe se a do vazhdojë Marina ta moderojë emisionin.
