Një aksident rrugor ka ndodhur në orët e mbrëmjes në zonën e Vaqarr-it në Tiranë, ku janë përfshirë dy automjete.
Sipas informacioneve paraprake, automjeti që drejtohej nga një grua është përplasur me një tjetër mjet me drejtues një burrë.
Si pasojë e përplasjes janë plagosur 6 fëmijë të moshës 6 deri në 10 vjeç, të cilët ndodheshin në automjetin e drejtuar nga gruaja, si edhe vetë ajo.
Të gjithë të lënduarit janë dërguar në spital, ku po marrin trajtim mjekësor dhe ndodhen jashtë rrezikut për jetën.
Policia dhe grupi hetimor janë në vendngjarje dhe po punojnë për të zbardhur shkaqet e aksidentit.
