aPas mitingut të paradites në sheshin Syntagma, me pjesëmarrjen e mijëra studentëve dhe nxënësve, në orën 19:00 është parashikuar një tubim i ri nga sindikatat dhe federatat e sektorit privat dhe publik.
Stacioni i metrosë Syntagma do të mbyllet sërish, me urdhër të policisë, për shkak të mitingjeve të pasdites që do të zhvillohen jashtë Kuvendit, për tragjedinë e përplasjes së trenave në Tempi, ndërsa pritet votimi i mocionit të mosbesimit ndaj qeverisë.
Stacioni “Universiteti”, aty ku trenat nuk ndalojnë kurrë, është mbyllur për pasagjerët nga ora 10:00 e mëngjesit të sotëm.
Sipas Policisë Rrugore, qarkullimi i mjeteve është pezulluar në rrugët Amalias, Vasilissis Sofias nga lartësia e rrugës Sekeri, në rrugën Panepistimiou dhe në rrugën Stadiou.
Dy stacione të metrosë së Selanikut do të mbyllen sërish, për shkak të tubimeve të sindikatave të planifikuara për në orën 19:00 në qendër të qytetit, te statuja e Venizelos.
Me vendim të ELAS-it, nga ora 18:00 janë mbyllur dhe “Stacioni i Ri Hekurudhor”, “Venizelou” dhe “Fontana”.
