– Samuel Umtiti nuk ka luajtur asnjë ndeshje me klubin katalan në këtë sezon dhe pavarësisht kësaj dhe faktit që tek skuadra blaugrana “nuk e duan”, francezi ka refuzuar të heqë dorë nga milionat që përfiton prej kontratës që ka.
Tifozët “blaugrana” e kanë kontestuar shumë shpesh francezin në stadium, por së fundi nuk kanë ngurruar t’i shprehin pakënaqësinë edhe në rrugët e Barcelonës, pasi e kanë njohur dhe i kanë dalë para makinës, duke bllokuar edhe trafikun.
Fillimisht Umtiti është larguar, por më pas ka zgjedhur të qëndrojë dhe të përballet me tifozët e acaruar, teksa ndali makinën e tij të rrugë dhe zbriti për t’u afruar te tifozët, të cilëve u kërkoi respekt.
