Vijon të mbetet mister gjetja e trupit të pajetë të 17-vjeçares Enisa Doda në Velipojë.
Lidhur me ngjarjen u arrestua 25-vjeçari, Indrit Bajraktari i cili ka dhënë disa versione në polici.
Bajraktari dhe Enisa morën një motor uji dhe bënë një xhiro në det duke u larguar më shumë se dy orë ndërsa u kthye vetëm Bajraktari.
Duke qënë se xhiroja e tyre me motor vonoi u ngjallën dyshime tek pronarët të cilët u futën në det në kërkim të dy të rinjve.
Gjatë notit ata ndeshën Bajraktarin që po nxitonte të dilte në breg me not ndërsa u kishte thënë se Enisën e kishte lënë në breg me xhaxhain e saj.
Pronartë e motorit dyshuan lidhur me deklaratën e të riut pasi ai kishte lënë në thellësi edhe motorin e ujit ndërsa nxitonte të largohej.
Ata e bllokuan të riun nga Postriba duke mos e lënë që të largohet derisa ka ardhur policia. Madje njëri prej tyre e ka goditur me grusht që të mos ikte, sepse 25-vjeçari kishte tentuar të largohej.
Në momentin kur policia mbërriti bëri arrestimin e të riut që dha disa versione lidhur me fatin e 17-vjeçares. Indrit Bajraktari prej pak kohësh kishte ardhur nga Anglia nga ku rezulton se është i martuar.
Momentalisht akuzohet për “shkaktim i vetëvrasjes”, “moskallëzim krimi” dhe “veprime që pengojnë zbardhjen e së vërtetës”.
