Policia e Bulqizës ka shoqëruar në komisariat Inxhinierin teknik si dhe përgjegjësin e punimeve të galerisë ku humbi jetën minatori Muharrem Plaku.
Gjithashtu mësohet se Prokuroria ka nisur hetimet për ngjarjen e rëndë ku minatori 61-vjeçar për 5 ditë ngeli i bllokuar brenda galerisë si pasojë e shkëputjes të një masivi shkëmbor.
Minatori i cili u gjet i vdekur pas 5 ditësh kërkime në një nga galeritë private të kromit në Bulqizë është dërguar pranë familjarëve të tij për të kryer ceremoninë mortore.
Sipas burimeve të “InfowebTv”, në momentin e shembjes së masivit shkëmbor, 61-vjeçar tentoi për tu futur në një boshllëk që t’i shpëtonte aksidentit por ishin të kota përpjekjet e fundit të jetës së tij.
