Pas fitores ndaj Malmoe-s në Champions League dhe kalmit në turin tjetër i pari në grup, Massimiliano Allegri është i kënaqur për rezultatin, por jo nga paraqitja e ekipit. Ai tha se pjesa e dytë ishte zhgënjyese dhe kjo gjë e shqetëson për ndeshjen e radhës ndaj Venezias.
“Në pjesën e dytë nuk hymë me mentalitetin e duhur. Krijuam shumë raste, duhet të jemi të qetë, por nuk mund të kemi një përqindje kaq të ulët golash – vazhdoi Allegri – Vijmë nga tri fitore pa pësuar gol dhe të shtunën ne luajmë në një fushë të vështirë. Do të jetë një ndeshje e komplikuar dhe do të duhet një paraqitje ndryshe.” Përfundoi Allegri.
