Trupi i një tjetër emigranti, i cili ndodhej në bordin e varkës me vela që u përmbys në prag të Krishtlindjeve në Paros dhe shkaktoi vdekjen e 16 personave, u gjet mëngjesin e djeshëm në zonën detare të Kionias në Tinos.
Sipas dëshmive të dhëna nga 63 emigrantët e shpëtuar të varkës me vela, bëhet fjalë për një burrë që ndodhej në varkë, rreth 1.80 m i gjatë dhe rreth 30 vjeç.
Në vendngjarje kanë shkuar efektivët e Autoritetit Portual përkatës, të cilët me ndihmën e efektivëve të Policisë Tinos kanë nxjerrë trupin e pajetë nga deti.
Tre arrestime
Ndërkohë ditën e djeshme tre persona, mes 63 emigrantëve të shpëtuar, u arrestuan nga Autoriteti Portual Paros, për transport të paligjshëm emigrantësh.
Sipas Rojes Bregdetare, të arrestuarit dyshohet se kanë marrë pjesë në një organizatë kriminale që vepronte në transferimin e paligjshëm të emigrantëve nga Turqia në Itali për 9 mijë euro për person.
Bëhet fjalë për një 40-vjeçar dhe dy 31-vjeçarë, të gjithë shtetas sirianë, të cilët u arrestuan për kontrabandë dhe transport emigrantësh nga Turqia drejt Italisë , mbytje të anijes, vrasje dhe ngritje të një organizate kriminale.
Drejtues të Drejtorisë së Sigurisë dhe Mbrojtjes së Kufijve Detarë (DAPTHAS) kanë shkuar në Autoritetin Portual të Paros për të asistuar në nivel informacioni në projektin parahetues, ndërsa studiojnë të gjitha të dhënat që kanë dalë, jo vetëm nga ky rast por edhe nga të gjitha rastet e ditëve të fundit që përfunduan tragjikisht.
Marrë nga cnn.gr
