Italia është përfshirë nga moti i keq gjatë orëve të fundit. Sipas mediave atje, erërat e forta deri në 90 km në orë kanë shkaktuar dëme, duke rrëzuar pemë dhe çati dhe dhjetëra njerëz kanë mbetur të lënduar.
Si pasojë e rrëzimit të një peme, burrë e grua kanë mbetur të plagosur në Milano teksa ishin duke ecur në Piazza della Libertà.
Mësohet se 64-vjeçari është në gjendje të rëndë, kurse 66-vjeçarja ka plagë në shpinë dhe në gju.
Nga era e fortë ka rënë edhe një pjesë e çatisë së Stacionit Qendror.
Ndërkohë si pasojë e rrëzimit të pemëve me dhjetëra qytetarë kanë mbetur të lënduar, mes tyre edhe një fermer.
Shkolla në via Carlo Pisacane 9 po ashtu mbeti “viktimë” e motit të keq, pasi një pemë u rrëzua para godinës.
Bashkia e Milanos ka vendosur të mbyllë hyrjet në parqet publike dhe fton popullatën që të mos përdorë zonat me pemë, gjatë gjithë ditës.
