Presidenti, Ilir Meta ka postuar një status në rrjetin social facebook, ku ka shkruar mbi atë që ishte vizita e fundit e tij zyrtare në Kosovë duke mbajtur postin e presidentit të Shqipërisë.
Në postimin e tij, Meta shkruan se ishte jetike që dy vendet t’i mbronin shpinën njëra-tjetrës.
Postimi i Plotë nga presidenti, Ilir Meta:
ËSHTË JETIKE QË SHQIPËRIA DHE KOSOVA T’I MBROJNË SHPINËN NJËRA-TJETRËS! 👐🇦🇱❤️🇽🇰
Shumë i lumtur të zhvilloj sot vizitën e fundit zyrtare në Prishtinë, si President i Shqipërisë, në një ditë kaq të mrekullueshme për kombin tonë, 12-vjetorin e konfirmimit nga Gjykata Ndërkombëtare e Drejtësisë e pavarësisë së Kosovës.
Një nga ditët më të bukura për mua të cilën pata fatin ta përjetoja si Ministër i Jashtëm i Shqipërisë.
Shqipëria dhe Qeveria e saj në atë periudhë bënë çdo gjë për këtë triumf të drejtësisë ndërkombëtare në bashkëpunim të ngushtë me partnerët ndërkombëtarë.
