Ardian Nikulaj u vra me armë zjarri të mërkurën në biznesin e tij në Shëngjin. Ngjarja ndodhu në lokalin “Coral” në pedonale të Shëngjinit, e cila është në pronësi të viktimës.
Një person ka hyrë me skafandër motori në kokë dhe pasi ka qëlluar 50-vjeçarin është larguar bashkë me një person tjetër që e priste jashtë me motor.
Policia ka sekuestruar kamerat e sigurisë që mund të çojnë në kapjen e autorëve. Disa postblloqe janë ngritur në gjithë zonën në hyrje dhe dalje të Shëngjinit në përpjekje për të rënë në gjurmët e autorëve.
