Policia njofton se po bëhet një punë intesive për kapjen e autorit të vrasjes, ndërkohë që në Lezhë kanë mbërritur krerët më të lartë të policisë së shtetit, përfshirë Ardi Veliun dhe Tonin Vocajn.
Policia garanton ruajtjen e anonimatit, për çdo person që jep informacion në lidhje me vendndodhjen e Ramës. I riu dyshohet se e ka qëlluar me plumb në zemër Hoxhën, i cili ishte në zonë për të kryer kontrolle antikanabis.
Njoftimi i policisë:
Shërbimet e Policisë po vijojnë kontrollet intensive me pika kontrolli të lëvizshme, kontrolle në banesa, lokale e ambiente të ndryshme, si dhe po vijon krehja masive e territorit, për të bërë të mundur kapjen e autorit të dyshuar të vrasjes së oficerit të Policisë, i cili ishte duke kryer detyrën.
Krahas punës intensive për kapjen e autorit, Policia e Shtetit kërkon ndihmën dhe bashkëpunimin e qytetarëve, për të bërë të mundur lokalizimin dhe kapjen e tij.
Për çdo informacion të vlefshëm që do çojë në lokalizmin dhe kapjen e autorit, shtetasit Aldi Rama, 21 vjeç, Policia e Shtetit ka vënë në dispozicion 20 mijë euro, duke iu garantuar anonimat të plotë dhe të sigurt.
Për informacione të vlefshme, qytetarët të telefonojnë në numrin 0694110853
