Barcelona vuan në ndeshjen e fundit, por merr tri pikë të arta me përmbysje ndaj Elche-s, duke fituar 1-2. Tri pikë me shumë vlerë për katalanasit, që tashmë renditen në vendin e tretë.
Barcelona e ka mbyllur pjesën e parë në disavantazh. Një aksion në minutën e fundit për të zotët e shtëpisë, Dani Alves i cili gabon pozicionin e tij dhe futbollisti Fidel që me të majtën si me një goditje bilardoje mposht Ter Stegen.
Në pjesën e dytë, Barcelona kundërpërgjigjet dhe gjen golin e barazimit me Ferran Torres. Djaloshi i blerë nga Manchester City përfiton nga një asist “pa dashje” i Pedros në tentativë për të goditur topin e krosuar nga Dembele. Më pas, ka shansin e 1-2 brenda pak minutash, por gabon.
Në 84’, është Depay që përmbys rezultatin, teksa tregohet i saktë nga pika e bardhe e penalltisë. Më pas miqtë mbrojnë me fanatizëm rezultatin. Tri pikë për vendin e tretë në La Liga, Barcelona tregon forcën.