Një kirurg nga Anglia, i cili pranoi se kishte vendosur inicialet e tij në mëlçitë e dy pacientëve të tij gjatë operacioneve të transplantit në vitin 2013, është hequr zyrtarisht nga regjistri mjekësor dhe nuk lejohet më të ushtrojë mjekësi në Mbretërinë e Bashkuar.
Simon Bramhall,ishte kirurg i transplantit të mëlçisë dhe pedagog në Trustin e Fondacionit të Spitaleve Universitare Birmingham NHS, zëvendës drejtor i divizionit të mjekësisë në Spitalin Queen Elizabeth dhe anëtar i Kolegjit Mbretëror të Kirurgëve.
Bramhall u deklarua fajtor në vitin 2017 për dy akuza. Një për përdorimin e një koaguluesi të rrezeve të argonit, një pajisje që përdoret shpesh gjatë operacioneve të transplantit për të hequr organet dhe akuza tjetër për të vendosur inicialet e tij në mëlçitë e transplantuara te dy pacientët gjatë operacioneve.
Një javë pas operacionit të një prej pacientëve, mëlçia e dhuruesit filloi të mos funksiononte për arsye që nuk kishin lidhje me veprimet e Bramhall, raportoi BBC . Marka u zbulua vetëm kur një kirurg tjetër kreu një procedurë ndaj pacientit.
Bramhall u urdhërua të paguante një gjobë prej 10,000 £ dhe të plotësonte një urdhër komuniteti 12-mujor, dhe më vonë u pezullua për një periudhë prej 5 muajsh në 2020.
Burimi:Medpagetoday
