Koleksioni për veshjet pranverë/verë i Vivienne Westwood, i projektuar nga bashkëshorti i saj Andreas Kronthaler, prezantohet në Paris, por ajo, një rebele 81-vjeçare e pandreqshme, qëndron në Londër për t’iu bashkuar një proteste sociale.
“Kur çmimet rriten më shpejt se pagat, kostoja e ushqimit, strehimit dhe veshjeve mund të bëhet shkatërruese për shumë njerëz – thotë stilistja politike par excellence -.
Ka një numër në rritje njerëzish që nuk mund të gjejnë shtëpi të përballueshme, ka infermierë që plotësojnë jetesën e tyre me banka ushqimore, ambulanca të braktisura jashtë spitaleve me pacientë brenda. Gazetat tona janë plot dëshpërim dhe frikë që rritet në shoqëri, familje të zakonshme të frikësuara nga e ardhmja, që nuk mund të përballojnë një jetë të denjë. Në këtë kontekst, sindikatat në të gjithë Mbretërinë e Bashkuar po koordinojnë një ditë grevash, pikërisht në ditën e shfaqjes sonë më 1 tetor, për të demonstruar për një shpërndarje të drejtë të pasurisë.
