– Xiomara Castro, kandidatja për Partinë Libre (E Lirë) e krahut të majtë, ka një avantazh paraprak prej gati 20% ndaj rivalit të saj. Fitorja e saj do t’i japë fund mbretërimit 12-vjeçar të Partisë Kombëtare të krahut të djathtë, e cila është rrënuar nga skandale dhe akuza për korrupsion.
Sipas BBC, Castro do të zëvendësojë presidentin Juan Orlando Hernández. Ai është ndjekur nga akuzat për lidhje me tregtinë e drogës pasi vëllai i tij Antonio u burgos për trafikim në Shtetet e Bashkuara . Castro ka premtuar të tërheqë Hondurasin nga humnera e një narko-diktature dhe korrupsioni. Burri i saj, Manuel Zelaya, drejtoi vendin nga viti 2006 deri në vitin 2009, kur ai u rrëzua nga një grusht shteti. Ajo kandidoi për detyrë dy herë më parë në vitet pas largimit të tij nga pushteti.
Votat janë ende duke u numëruar dhe këshilli zgjedhor ende nuk e ka shpallur zyrtarisht fituesin. Megjithatë, koncesioni i humbjes së së martës nga partia qeverisëse erdhi dy ditë pasi Castro doli përpara në rezultatet paraprake. Rivali i saj kryesor Nasry Asfura tha në një transmetim televiziv lokal se ai kishte vizituar Castron dhe familjen e saj.
“Tani dua të them publikisht se e përgëzoj për triumfin e saj dhe si presidente e zgjedhur”, tha Asfura, duke shtuar: “Uroj që Zoti ta ndriçojë dhe udhëzojë në mënyrë që administrata e saj të bëjë më të mirën për të gjithë ne Hondurasit. “.
Ish-zonja e parë ka premtuar ndryshime të mëdha pas marrjes së detyrës. Ajo trashëgon një vend të rrënuar nga probleme si krimi i dhunshëm, trafiku i drogës dhe migrimi në shkallë të gjerë në SHBA. Sekretari amerikan i shtetit Anthony Blinken ka dërguar urimet e tij dhe tha se Uashingtoni mezi pret të punojë me të.
