ZVICER – Shpërblime ‘faraonike’ për pjesëmarrjen në Botërorin e ardhshëm të klubeve që do të zhvillohet në SHBA nga 15 qershori deri më 13 korrik. Fituesit e Kupës së Botës do të fitojnë deri në 125 milionë dollarë, rreth 116 milionë euro. Kjo bëhet e ditur nga FIFA.
Ky edicion do të jetë i pari me formatin e ri me 32 skuadra, duke përfshirë kampionët aktualë të kampionateve kryesore kontinentale të katër viteve të fundit.
“Modeli i shpërndarjes së parave për Kupën e Botës për Klube të FIFA-s reflekton kulmin e futbollit për klube dhe përfaqëson shpërblimin më të madh të dhënë ndonjëherë në një turne futbolli, me një fazë grupesh prej shtatë ndeshjesh dhe një format play-off-i, duke parashikuar një çmim të mundshëm prej 125 milionë dollarësh për fituesit,” ka deklaruar presidenti i FIFA-s, Gianni Infantino.
“Përveç çmimeve në para për ekipet pjesëmarrëse, ekziston një program i paprecedentë investimesh solidare, me qëllimin për të alokuar 250 milionë dollarë shtesë për futbollin e klubeve në mbarë botën. Ky solidaritet do të sigurojë pa dyshim një nxitje të rëndësishme për përpjekjet tona të vazhdueshme për ta bërë futbollin vërtet global.”
Shuma totale që do të shpërndahet do të jetë 1 miliard dollarë, i ndarë në një komponent performancë sportive prej 475 milionë dollarësh dhe një komponent pjesëmarrje prej 525 milionë dollarë.
Për pjesën që lidhet me performancën, kjo është shpërndarja:
2 milionë dollarë për fitore (vetëm faza e grupeve);
1 milion dollarë për barazimin (vetëm faza e grupeve);
7,5 milionë dollarë për kalimin në 16-sh;
13,125 milionë dollarë për kalimin në çerekfinale;
21 milionë dollarë për kalimin në gjysmëfinale;
30 milionë dollarë për finalistin;
40 milionë dollarë për fituesin.
Për pjesën që lidhet me pjesëmarrjen:
Klubet evropiane: midis 12,8 dhe 38,2 milionë dollarë, në bazë të një klasifikimi të bazuar në kritere sportive dhe tregtare;
Klubet e Amerikës Jugore: 15,2 milionë dollarë;
Klube të Amerikës së Veriut, Qendrës dhe Karaibeve: 9,5 milionë dollarë;
Klube Aziatike: 9,5 milionë dollarë;
Klube Afrikane: 9,5 milionë dollarë;
Klube nga Oqeania: 3,6 milionë dollarë.
