IRAN- Një zëdhënës ushtarak iranian paralajmëroi se eksportet e armëve në Izrael do të konsiderohen objektiva legjitime nga Teherani, teksa të dy vendet vazhdojnë shkëmbimin e sulmeve.
Pajisjet ushtarake ose të radarëve të dërguara në Izrael do të konsiderohen si ndihmë për agresionin kundër Iranit, tha zëdhënësi i krahut inxhinierik të forcave të armatosura të Iranit në një video në Telegram.
Ai pretendoi se Izraeli kishte pësuar humbje të konsiderueshme në radar dhe mbrojtje ajrore ditët e fundit, duke shtuar se ushtria izraelite po përballet me mungesa municionesh dhe pajisjesh.
“Çdo transferim i pajisjeve ushtarake ose radari me anije ose avion për të ndihmuar regjimin sionist do të konsiderohet si përfshirje e drejtpërdrejtë në agresion dhe do të trajtohet në përputhje me rrethanat nga forcat tona të armatosura”, shtoi zëdhënësi, raporton CNN.
Izraeli nisi fushatën e tij ushtarake kundër Iranit më 13 qershor, duke shkaktuar sulme hakmarrëse nga Teherani. Një përpjekje fillestare diplomatike midis ministrave të jashtëm evropianë dhe homologut të tyre iranian rezultoi e kotë të premten.
Teherani tha se nuk do të fillojë diskutime me SHBA-në, furnizuesin kryesor të armëve të Izraelit, për sa kohë që fushata e bombardimeve të Izraelit vazhdon.
