Të enjten do të mbahet seanca plenare ku pritet të votohet për zgjatjen e mandatit për organet e Vettingut. Lidhur me këtë seancë që pritet të mbahet, ka reaguar edhe ministrja e Shetit për Marrëdhëniet me Kuvendin, Elisa Spiropali e cila me anë të një statusi në rrjetin e saj facebook, ka kërkuar që edhe deputetët e tjerë të pranishëm në sallë të votonin pro.
Spiropali e ka konsideruar si të nevojshëm këtë ndryshim në Kushtetutë sepse sipas saj, do të bënte që të përfundohej procesi i Vettingut për gjyqtarët dhe prokurorët.
Postimi i Plotë nga Elisa Spiropali, Ministrja e Shtetit për Marrëdhëmniet me Kuvendin:
Në seancën plenare të së enjtes votojmë zgjatjen e afatit të organeve të vetingut deri më 31 dhjetor 2024.
Ky ndryshim në Kushtetutë garanton përfundimin e procesit të vetingut të të gjithë gjykatësve dhe prokurorëve, barazinë para ligjit dhe sigurinë juridike të procesit.
Reforma në drejtësi është pa kthim. Shumica do i votojë ndryshimet. Siç theksojnë partnerët tanë, kjo nuk është çështje partiake, por një gur i rëndësishëm kilometrik në rrugën evropiane të Shqipërisë. I bëjmë thirrje çdo deputeti të votojë pro.
