92% e kutive të votimit janë numëruar dhe serbët kanë zgjedhur sërish presidentin Aleksandër Vuçiç, si kreun e tyre të shtetit duke i dhënë edhe një mandat tjetër 5-vjeçar në krye të vendt. Me mbi 92 për qind të votave të numëruara, lista e presidentit serb ka fituar 43.4 për qind të tyre, pra më shumë se gjysmën, ka bërë të ditur Komisioni Republikan i Zgjedhjeve. Sipas këtyre rezultateve, për Vuçiçin votuan 2.003.992 persona. Në vend të dytë ka dalë Zdravko Ponosh me 17.5 për qind, ndërsa në të tretin Millosh Jovanoviç me 5.8 për qind të votave.
Sa i përket zgjedhjeve parlamentare, sërish SNS-ja e Vuçiç ka zënë më së shumti ulëset në Kuvend. 250 deputetë janë ndarë në 48 mandate për SNS, 8 për kryeparlamentarin Ivica Daçiç, e kështu me radhë. Nga votimet, Koalicioni i Shqiptarëve ka marrë 0,28 për qind të votave, duke siguruar vetëm një deputet, megjithatë ka dalë shumë më mirë se pakicat e tjera në Serbi.
Ipsos dhe CeSID publikuan të dhënat e mëposhtme:
Aleksandar Vuçiç, SNS: 48 mandate, 39,1 për qind
Ivica Daçiç, Toma Fila, SPS-JS: 8 mandate, 7 për qind
Vojisllav Sheshel, SRS: 0 mandate, 1,7 për qind
Milica Gjurgjeviç Stamenkovski: 4 mandate, 3,7 për qind
Vladeta Jankoviç, Të Bashkuar për Fitoren e Beogradit: 26 mandate, 20,1 për qind
Millosh Jovanoviç, Koalicioni NADA: 7 mandate, 6.2 për qind
“Moramo”: 13 mesazhe, 10,4 odsto
Dusko Vujosevic, Boris Tadic, Ajmo ljudi: 0 mandat, 2.7 për qind
Nemanja Sharoviç, Për gjithë botën normale: 0 mandate, 1.6 për qind
Sovranistët, Sasha Raduloviq: 0 mandate, 2.2 për qind
Boshko Obradoviq, Dveri – POKS: 4 mandate, 3,6 për qind
Aleanca e Minoritetit Rus: 0 vende, 0,5 për qind
Por përveç zgjedhjeve parlamentare dhe presidenciale, qytetarët sërbe kanë votuar për kryetarin e pushtetit lokal në Beograd, Bor dhe 12 komuna të tjera. Megjithatë duket se numërimi nuk ka nisur ende. Për president të Serbisë qytetarët zgjodhën mes tetë kandidatëve, ndërsa në fletën e votimit kishte 19 lista për zgjedhjen e deputetëve të popullit. Përveç vendvotimeve në Serbi, 77 vendvotime u hapën jashtë vendit, në 34 shtete, ku votuan 39.777 qytetarë serbë.
Opozita serbe i ka bojkotuar në masë të madhe zgjedhjet e mëparshme parlamentare të vitit 2020, pasi pretendonte se votimet po zhvilloheshin në kushteve të padrejta. Por dje kanë marrë sërish pjesë, edhe pse humbën. Sipas legjislacionit pozitiv zgjedhor, Republika e Serbisë përfaqëson një zonë të vetme zgjedhore. Mandatet e përfaqësuesve jepen në përpjesëtim me numrin e votave të fituara. Nëse një parti politike e pakicës etnike nuk e kalon pragun zgjedhor prej 3%, do të zbatohet “pragu natyror”.
