Policia e Tepelenës ka arrestuar dy të rinj pasi kanë goditur për shkak të detyrës punonjësin e patrullës së rendit. Ngjarja ka ndodhur në pedonalen e qytetit gjatë ditës së sotme. Në pranga kanë përfunduar shtetasit E. Q., 25 vjeç dhe R. Q., 21 vjeç banues në Tepelenë. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Njoftimi i plotë i policisë: Tepelenë
Goditën punonjësin e Policisë për shkak të detyrës, arrestohen në flagrancë dy shtetas.
Specialistët për Hetimin e Krimeve në Komisariatin e Policisë Tepelenë bënë arrestimin në flagrancë të shtetasve: E. Q., 25 vjeç dhe R. Q., 21 vjeç, banues në Tepelenë.
Arrestimi i shtetasve të mësipërm u bë pasi, në pedonalen e qytetit të Tepelenës, kanë goditur për shkak të detyrës punonjësin e patrullës së rendit.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
