Një zjarr ka rënë në orët e para të mëngjesit të sotëm në kryeqytet, ku është përfshirë nga flakët një qendër studimi për fëmijë.
Ngjarja ka ndodhur në orën 01:00 pas mesnate, në rrugën ‘Thoma Koxhaj’ në kryeqytet, ndërsa si pasojë e zjarrit mësohet se ka pasur vetëm dëme materiale dhe fatmirësisht nuk ka pasur asnjë të lënduar.
Ndërkohë, policia dhe grupi hetimor kanë shkuar në vendin e ngjarjes për zbardhjen e plotë të shkaqeve të zjarrit.
Njoftimi i plotë i Policisë së Tiranës:
Tiranë/Informacion paraprak. Me datë 18.01.2022, rreth orës 01:00, në rrugën “Thoma Koxhaj”, ka rënë zjarr në një qendër studimi për fëmijë, ku ka vetëm dëme materiale. Grupi hetimor ndodhet në vendngjarje dhe po punon për sqarimin e rrethanave të ngjarjes.
