Flaket e zjarrit përfshijnë sipërfaqe të konsiderueshme në Ullishtën e Elbasanit.
Një vatër zjarri u identifikua rreth mesditën e sotme në Ullishtën e Elbasanit sipër qendrës spitalore.
Vatra u përhap me shpejtësi duke dëmtuar dhjetëra rrënjë ullinj.
Në vendin e ngjarjes shkuan zjarrfikëset të cilët të ndihmuar edhe nga banorë të zonës bënë të mundur lokalizimin dhe fikjen e flakëve.
Ende nuk dihen shkaqet e shpërthimit të zjarrit.
Policia po punon për identifikimin dhe kapjen e autorëve pasi, veç shpërthimit aksidental, po hetohet edhe zjarrvënia e qëllimshme.
