Një zjarr masiv ka përfshirë kampin e emigrantëve në Greqi.
Qindra njerëz evakuohen në një kamp emigrantësh në ishullin grek të Samos, pasi flakët masive përfshinë objektin ndërsa deri në këto momente nuk raportohet për të lënduar.
Gjashtë makina zjarrfikëse u dërguan në vendngjarje për të shuar zjarrin, i cili sipas autoriteteve kishte filluar në një zonë të shkretë.
Zjarri megjithatë detyroi një evakuim të plotë, me disa qindra njerëz që u zhvendosën përkohësisht në një “hapësirë boshe” pranë hyrjes së kampit, ndërsa një pjesë e vogël e të miturve të pashoqëruar u transferuan në një objekt të ri.
