Një i ri është paraqitur ditën e sotme në spitalin e Vlorës. 28 vjeçari Klodian Dule mësohet se ka pasur një plagë në kofshën e tij. Sipas informacioneve të siguruara nga Fax News, plagosja e tij është bërë me armë zjarri dhe si pasojë është dashur që t’i hiqet plumbi nga kofsha e tij.
Ndërkohë raportohet se gjendja e të riut është e qëndrueshme dhe jashtë rrezikut për jetën. Policia ende nuk ka dalë me një njoftim zyrtar lidhur me ngjarjen e ndodhur ku ende nuk bëhen me dije rrethanat e plagosjes së 28 vjeçarit dhe autori që ka kryer krimin.
